હો રંગ રસિયા!
હો રંગ રસિયા! ક્યાં રમી આવ્યા રાસ જો આંખલડી રાતી ને ઉજાગરો ભારે કીધો આજ અમે ગ્યા’તા સોનીડાને હાટ જો આ ઝાલઝૂમણા વહોરતાંને, વ્હાણલાં વાહી ગયાં હો રંગ રસિયા! ક્યાં રમી આવ્યા રાસ જો આંખલડી રાતી ને ઉજાગરો ભારે કીધો આજ અમે ગ્યા’તા મણિયારાને હાટ જો આ ચૂડલડો ઉતરાવતાં, વ્હાણલાં વાહી ગયાં હો રંગ રસિયા! ક્યાં રમી આવ્યા રાસ જો આંખલડી રાતી ને ઉજાગરો ભારે કીધો આજ અમે ગ્યા’તાં કસુંબીને હાટ જો આ ચૂંદલડી વહોરતાંને, વ્હાણલાં વાહી ગયાં હો રંગ રસિયા! ક્યાં રમી આવ્યા રાસ જો આંખલડી રાતી ને ઉજાગરો ભારે કીધો આજ અમે ગ્યા’તાં મોચીડાને હાટ જો આ મોજડિયું મૂલવતાંને, વ્હાણલાં વાહી ગયાં હો રંગ રસિયા! ક્યાં રમી આવ્યા રાસ જો આંખલડી રાતી ને ઉજાગરો ભારે કીધોક્લીક કરો અને સાંભળોઃ Ho_Rang_Rasia- Hemu_Gadhavi&Chorus.mp3હો મારવાડા તમે એક વાર મારવાડ જાજો રે મારવાડા તમે મારવાડથી મેંદી લાવજો રે મારવાડા તમે ઓલું લાવજો, પેલું લાવજો પાન સોપારી પાનના બીડાં, એલચી દાણા હોં કે પેલું લાવજો રે, મારવાડા તમે એક વાર જામનગર જાજો રે મારવાડા તમે જામનગરથી લેરિયું લાવજો રે મારવાડા તમે ઓલું લાવજો, પેલું લાવજો પાન સોપારી પાનના બીડાં, એલચી દાણા હોં કે પેલું લાવજો રે, મારવાડા તમે કચકડાની બંગડી લાવજો રે મારવાડા તમે એક વાર ઘોઘા જાજો રે મારવાડા તમે ઘોઘાના ઘૂઘરા લાવજો રે મારવાડા તમે ઓલું લાવજો, પેલું લાવજો પાન સોપારી પાનના બીડાં, એલચી દાણા હોં કે પેલું લાવજો રે, મારવાડા તમે કચકડાની ડાબલી લાવજો રે મારવાડા તમે એક વાર પાટણ જાજો રે મારવાડા તમે પાટણથી પટોળા લાવજો રે મારવાડા તમે ઓલું લાવજો, પેલું લાવજો પાન સોપારી પાનના બીડાં, એલચી દાણા હોં કે પેલું લાવજો રે, મારવાડા તમે કચકડાની કાંસકી લાવજો રે મારવાડા તમે એક વાર ચિત્તળ જાજો રે મારવાડા તમે ચિત્તળથી ચૂંદડી લાવજો રે મારવાડા તમે ઓલું લાવજો, પેલું લાવજો પાન સોપારી પાનના બીડાં, એલચી દાણા હોં કે પેલું લાવજો રે, મારવાડા તમે એક વાર મારવાડ જાજો રે મારવાડા તમે મારવાડથી મેંદી લાવજો રે મારવાડા
ક્લીક કરો અને સાંભળોઃ Tame_Ek_Var_Marvad.mp3
સોના વાટકડી રે સોના વાટકડી રે કેસર ઘોળ્યાં વાલમિયા લીલો તે રંગનો છોડ રંગમાં રોળ્યાં વાલમિયા નાક પરમાણે નથડી સોઈ રે વાલમિયા ટીલડીની બબ્બે તારે જોડ રંગમાં રોળ્યાં વાલમિયા કાન પરમાણે ઠોળીયાં સોઈ રે વાલમિયા વેળિયાની બબ્બે તારે જોડ રંગમાં રોળ્યાં વાલમિયા ડોક પરમાણે હારલાં સોઈ રે વાલમિયા તુળસીની બબ્બે તારે જોડ રંગમાં રોળ્યાં વાલમિયા હાથ પરમાણે ચૂડલાં સોઈ રે વાલમિયા ગુજરીની બબ્બે તારે જોડ રંગમાં રોળ્યાં વાલમિયા કેડ પરમાણે ઘાઘરો સોઈ રે વાલમિયા ઓઢણીની બબ્બે તારે જોડ રંગમાં રોળ્યાં વાલમિયા પગ પરમાણે કડલાં સોઈ રે વાલમિયા કાબિયુંની બબ્બે તારે જોડ રંગમાં રોળ્યાં વાલમિયા સોના વાટકડી રે કેસર ઘોળ્યાં વાલમિયા લીલો તે રંગનો છોડ રંગમાં રોળ્યાં વાલમિયા
ક્લીક કરો અને સાંભળોઃ Sona_Vatakadi_Re-
હે રંગલો જામ્યો હે રંગલો જામ્યો કાલિંદરીને ઘાટ છોગાળા તારા હો રે છબીલા તારા હો રે રંગીલા તારા રંગભેરુ જુએ તારી વાટ રંગલો જામ્યો કાલિંદરીને ઘાટ હે હાલ્ય હાલ્ય હાલ્ય વહી જાય રાત વાતમાં ને, માથે પડશે પરભાત છોગાળા તારા હો રે છબીલા તારા હો રે રંગીલા તારા રંગભેરુ જુએ તારી વાટ રંગલો જામ્યો કાલિંદરીને ઘાટ હે રંગરસીયા હે રંગરસીયા તારો રાહડો માંડી ને, ગામને છેવાડે બેઠાં કાના તારી ગોપલીએ, તારે હાટુ તો કામ બધા મેલ્યાં હેઠાં હે તને બરકે તારી જશોદા તારી માત છોગાળા તારા હો રે છબીલા તારા હો રે રંગીલા તારા રંગભેરુ જુએ તારી વાટ રંગલો જામ્યો કાલિંદરીને ઘાટ મારા પાલવનો છેડલો મેલ, છોગાળા ઓ છેલ કે મન મારું મલકે છે એ હું મોરલો ને તું તો મારી ઢેલ હું છોડવો તું વેલ કે મન મારું ધડકે છે રંગલો જામ્યો કાલિંદરીને ઘાટ છોગાળા તારા હો રે છબીલા તારા હો રે રંગીલા તારા રંગભેરુ જુએ તારી વાટ સ્વરઃ પુરુષોત્તમ ઉપાધ્યાય ગીત-સંગીતઃ અવિનાશ વ્યાસક્લીક કરો અને સાંભળોઃ Hey_Ranglo_Jamyo.mp3મણિયારો તે હલું હલું હાં…મણિયારો તે મણિયારો તે હલુ હલુ થઈ રે વિયો રે… મુઝા દલડાં ઉદાસીમાં હોય રે છેલ મુઝો, વરગાણી મણિયારો હે છેલ મુઝો, પરદેશી મણિયારો… મણિયારો હાં……..મણિયારો તે કળાયેલ મોરલો રે કાંઈ હું રે ઢળકતી ઢેલ રે છેલ મુઝો, વરગાણી મણિયારો…. મણિયારો હાં……..મણિયારો તે મહેરામણ મીઠડો કંઈ હું તો સમદરિયાની લહેર રે હેલ મુઝો, હાલારી મણિયારો… મણિયારો હાં……..મણિયારો જી અષાઢી મેહુલો રે કાંઈ હું તો વાદળ કેરી વીજ રે હેલ મુઝો, હાલારી મણિયારો… મણિયારો હાં……..અણિયાળી રે ગોરી તારી આંખડી રે હાં રે આંજેલ એમાં મેશ રે હેલ મુઝો, વરણાગી મણિયારો હેલ મુઝો, હાલારી મણિયારો… મણિયારો હાં……..મણિયારો તે અડાબીડ આંબલો ને કાંઈ હું રે કોયલડીનો કંઠ રે છેલ મુઝો, હાલારી મણિયારો હે છેલ મુઝો, પરદેશી મણિયારો… મણિયારો હાં……..પનિહારીનું ઢળકતું બેડલું રે કાંઈ હું રે, છલકતું એમાં નીર રે છેલ મુઝો, વરણાગી મણિયારો છેલ મુઝો, હાલારી મણિયારો… મણિયારોક્લીક કરો અને સાંભળોઃ Maniyaro-Harshida_Rawal&Prafull_Dave.mp3તું કાળી ને કલ્યાણી રે મા તું કાળી ને કલ્યાણી રે મા, જ્યાં જોઉં ત્યાં જોગમાયા તું ચારે યુગમાં ગવાણી રે મા, જ્યાં જોઉં ત્યાં જોગમાયા તને પહેલાં તે યુગમાં જાણી રે મા, જ્યાં જોઉં ત્યાં જોગમાયા તું શંકરની પટરાણી રે મા, જ્યાં જોઉં ત્યાં જોગમાયા તું ભસ્માસુર હરનારી રે મા, જ્યાં જોઉં ત્યાં જોગમાયા તને બીજા તે યુગમાં જાણી રે મા, જ્યાં જોઉં ત્યાં જોગમાયા તું હરિશ્ચંદ્ર ઘરે પટરાણી રે મા, જ્યાં જોઉં ત્યાં જોગમાયા તને ત્રીજા તે યુગમાં જાણી રે મા, જ્યાં જોઉં ત્યાં જોગમાયા તું રામચંદ્ર ઘેર પટરાણી રે મા, જ્યાં જોઉં ત્યાં જોગમાયા તું રાવણને રોળનારી રે મા, જ્યાં જોઉં ત્યાં જોગમાયા તને ચોથા તે યુગમાં જાણી રે મા, જ્યાં જોઉં ત્યાં જોગમાયા તું પાંડવ ઘેર પટરાણી રે મા, જ્યાં જોઉં ત્યાં જોગમાયા તું કૌરવકુળ હણનારી રે મા, જ્યાં જોઉં ત્યાં જોગમાયા તું કાળી ને કલ્યાણી રે મા, જ્યાં જોઉં ત્યાં જોગમાયા
ક્લીક કરો અને સાંભળોઃ Kali_Ne_Kalyani.mp3હે મારે મહિસાગરને આરે હે મારે મહિસાગરને આરે ઢોલ વાગે સે વાગે સે, ઢોલ વાગે સે હે મારે મહિસાગરને આરે ઢોલ વાગે સે ગામ ગામનાં સોનીડા આવે સે એ આવે સે, હુ લાવે સે મારા માની નથણીયું લાવે સે મારે મહિસાગરને આરે ઢોલ વાગે સે ગામ ગામનાં સુથારી આવે સે એ આવે સે, હુ લાવે સે મારી માનો બાજોઠીયો લાવે સે મારે મહિસાગરને આરે ઢોલ વાગે સે ગામ ગામનાં દોશીડા આવે સે એ આવે સે, હુ લાવે સે મારી માની ચુંદડીયો લાવે સે મારે મહિસાગરને આરે ઢોલ વાગે સે હે મારે મહિસાગરને આરે ઢોલ વાગે સે વાગે સે, ઢોલ વાગે સે હે મારે મહિસાગરને આરે ઢોલ વાગે સે
ક્લીક કરો અને સાંભળોઃ Mare_Mahisagar_Ne_Are.mp3અમે મૈયારા રે…ગોકુળ ગામનાં અમે મૈયારા રે… ગોકુળ ગામનાં મારે મહિ વેચવાને જાવા મૈયારા રે… ગોકુળ ગામનાં મથુરાની વાટ મહિ વેચવાને નીસરી નટખટ એ નંદકિશોર માગે છે દાણ જી હે… મારે દાણ દેવા, નઇ લેવા મૈયારા રે… ગોકુળ ગામના યમુનાને તીર વા’લો વાંસળી વગાડતો ભુલાવી ભાન સાન ઉંઘતી જગાડતો હે… મારે જાગી જોવું ને જાવું મૈયારા રે… ગોકુળ ગામનાં માવડી જશોદાજી કાનજીને વાળો દુ:ખડા હજાર દીએ નંદજીનો લાલો હે… મારે દુ:ખ સહેવા, નઇ કેહવા મૈયારા રે… ગોકુળ ગામનાં નરસિંહનો નંદકિશોર નાનકડો કાનજી ઉતારે આતમથી ભવ ભવનો ભાર જી નિર્મળ હૈયાની વાત કહેવા મૈયારા રે… ગોકુળ ગામનાં અમે મૈયારા રે… ગોકુળ ગામનાં મારે મહિ વેચવાને જાવા મૈયારા રે… ગોકુળ ગામનાંક્લીક કરો અને સાંભળોઃ Ame_Maiyara_Re॥ માનો ગરબો રે રમે રાજ ને દરબાર ॥માનો ગરબો રે , રમે રાજને દરબાર રમતો ભમતો રે આવ્યો કુંભારીને દ્વાર એલી કુંભારીની નાર તું તો સુતી હોય તો જાગ માને ગરબે રે રૂડા કોડિયાં મેલાવ માનો ગરબો રે , રમે રાજને દરબાર રમતો ભમતો રે આવ્યો સોનીડાને દ્વાર એલી સોનીડાની નાર તું તો સુતી હોય તો જાગ માને ગરબે રે રૂડા જાળીયા મેલાવ માનો ગરબો રે , રમે રાજને દરબાર રમતો ભમતો રે આવ્યો ઘાંચીડાને દ્વાર એલી ઘાંચીડાની નાર તું તો સુતી હોય તો જાગ માને ગરબે રે રૂડા દિવેલીયા પુરાવ માનો ગરબો રે, રમે રાજને દરબાર
ક્લીક કરો અને સાંભળોઃ Maan_No_Garbo-Sheela_Shethiya.mp3મારો સોનાનો, ઘડુલો રે
મારો સોનાનો, ઘડુલો રે હા, પાણીડાં છલકે છે હા,પાણીડાં છલકે છે હે ઘૂંઘટની ઓરકોર હે પાલવની ઓરકોર ગોરું મુખલડું મલકે છે હા, પાણીડાં છલકે છે હે પચરંગી પાઘડી વા'લાને બહુ શોભે રાજ હે નવરંગી ચૂંદડી ચટકે ને મન મોહે રાજ હે ઘૂંઘટની ઓરકોર હે પાલવની ઓરકોર ગોરું મુખલડું મલકે છે હા, પાણીડાં છલકે છે મારો સોનાનો, ઘડુલો રે હા, પાણીડાં છલકે છે હા,પાણીડાં છલકે છે હે અંગે અંગરખું વા'લાને બહુ શોભે રાજ હે રેશમનો ચણિયો ચટકે ને મન મોહે રાજ હે ઘૂંઘટની ઓરકોર હે પાલવની ઓરકોર ગોરું મુખલડું મલકે છે હા, પાણીડાં છલકે છે મારો સોનાનો, ઘડુલો રે હા, પાણીડાં છલકે છે હા,પાણીડાં છલકે છે હે માથડિયે ઝૂલફાં વા'લાને બહુ શોભે રાજ હે અંબોડે ફૂલડાં ચટકે ને મન મોહે રાજ હે ઘૂંઘટની ઓરકોર હે પાલવની ઓરકોર ગોરું મુખલડું મલકે છે હા, પાણીડાં છલકે છે મારો સોનાનો, ઘડુલો રે હા, પાણીડાં છલકે છે હા,પાણીડાં છલકે છે
ક્લીક કરો અને સાંભળોઃ Maro_Sona_No_Ghaduloઝૂલે ઝૂલે છે ગબ્બરની માત ઝૂલે ઝૂલે છે ગબ્બરની માત અંબા ઝૂલે છે ઝૂલે ઝૂલે છે ગબ્બરની માત અંબા ઝૂલે છે માને ઝૂલે તે ઝૂલવાની હોંશ ઘણી ભક્તો ઝૂલાવે ખમ્મા ખમ્મા કહી ભક્તો ગાયે ને ખુશી થાય અંબા ઝૂલે છે ઝૂલે ઝૂલે છે ગબ્બરની માત અંબા ઝૂલે છે માને દરવાજે નોબત ગડ ગડે વળી શરણાયુંના સૂર સાથે ભળે રાસ મસ્તીના સૂર સંભળાય અંબા ઝૂલે છે ઝૂલે ઝૂલે છે ગબ્બરની માત અંબા ઝૂલે છે માએ સોળ આભૂષણ અંગે ધર્યાં ભાલે કુમકુમ કેસરના અર્ચન કર્યાં હાથે ખડગ ત્રિશુલ સોહાય અંબા ઝૂલે છે ઝૂલે ઝૂલે છે ગબ્બરની માત અંબા ઝૂલે છે માને તેજે ભાનુ દેવ ઝાંખા પડે બ્રહ્મા, વિષ્ણુ, સદાશીવ જેવા ભજે માની સૌ દેવો આરતી ગાય અંબા ઝૂલે છે ઝૂલે ઝૂલે છે ગબ્બરની માત અંબા ઝૂલે છે માજી ચાલે ત્યાં કુમકુમનાં પગલાં પડે માજી બોલે ત્યાં મુખડેથી ફૂલડાં ઝરે ભક્તો જોઈને વિસરે ભાન અંબા ઝૂલે છે ઝૂલે ઝૂલે છે ગબ્બરની માત અંબા ઝૂલે છે માના સોના-હીંડોળે રત્નો જડ્યાં માંએ સાચાં મોતીના તોરણ બાંધ્યાં મહીં ઝળકે છે તેજ અપાર અંબા ઝૂલે છે ઝૂલે ઝૂલે છે ગબ્બરની માત અંબા ઝૂલે છે આજ શોભા આરાસુરની નવલી બની આવો આવો સૌ નર નારી સાથે મળી ગરબો ગાયે ને મા ખુશી થાય અંબા ઝૂલે છે ઝૂલે ઝૂલે છે ગબ્બરની માત અંબા ઝૂલે છેક્લીક કરો અને સાંભળોઃ Zule_Zule_Chhe_Gabbar_Ni.mp3આસો માસો શરદ પૂનમની રાત આસો માસો શરદ પૂનમની રાત જો ચાંદલિયો ઊગ્યો રે સખી મારા ચોકમાં સસરો મારો ઓલા જનમનો બાપ જો સાસુ રે ઓલા જનમની માવડી જેઠ મારો અષાઢીલો મેઘ જો જેઠાણી ઝબૂકે વાદળ વીજળી દેર મારો દેરાસરનો દેવ જો દેરાણી દેરાસર કેરી પૂતળી નણંદ મારી વાડી માયલી વેલ જો નણદોઈ મારો પારસ પીપળો પરણ્યો મારો સગી નણંદનો વીર જો તાણીને બાંધે નવરંગ પાઘડી આસો માસો શરદ પૂનમની રાત જો ચાંદલિયો ઊગ્યો રે સખી મારા ચોકમાંક્લીક કરો અને સાંભળોઃ Aaso_Maso_Sharad_Punam_Ni_Raat.mp3
Pages
- home
- મારા વિષે
- શાળાકીય પત્રકો
- ગુજરાતના જોવાલાયક સ્થળો
- સામાન્ય જ્ઞાન
- પરિપત્ર વિભાગ
- દિન મહત્વ
- રોજગાર કચેરીમાં નોધણી
- પ્રાર્થના સંમેલન
- રોજગાર સમાચાર
- શૈક્ષણિક વેબ સાઈટ અને બ્લોગ
- નવી જાહેરાત
- ડ્રાઈવિંગ લાયસેન્સ માટે ટેસ્ટ પ્રેક્ટીસ
- બાળકોના નવા નામકરણ માટે નામાવલી
- ગુજરાતી કેલેન્ડર
- પાનકાર્ડ નંબર મેળવો
- ચુંટણી ને લગતી તમામ માહિતી
- C P F કપાત ની માહિતી
- G P F ની માહિતી
- ૧૦ E ફોર્મ ભરી ટેક્ષમાંથી રાહત મેળવો
Sunday, September 16, 2012
Subscribe to:
Post Comments (Atom)
No comments:
Post a Comment