॥ મેંદી રંગ લાગ્યો ॥
મેંદી તે વાવી માળવે ને, એનો રંગ ગયો ગુજરાત રે
મેંદી રંગ લાગ્યો
નાનો દિયરડો લાડકો જે, કંઇ લાવ્યો મેંદીનો છોડ રે
મેંદી રંગ લાગ્યો
વાટી ઘૂંટીને ભર્યો વાટકો ને, ભાભી રંગો તમારા હાથ રે
મેંદી રંગ લાગ્યો
હાથ રંગીને વીરા શું રે કરું? એનો જોનારો પરદેશ રે
મેંદી રંગ લાગ્યો
લાખ ટકા આલું રોકડા, કોઈ જાવ જો દરિયા પાર રે
મેંદી રંગ લાગ્યો
શોક્યના સાહ્યબાને જઈ એટલું કેજો તારી બેની પરણે ઘરે આવ્ય રે
મેંદી રંગ લાગ્યો
બેની પરણે તો ભલે પરણે એની ઝાઝા દી રોકજો જાન રે
મેંદી રંગ લાગ્યો
શોક્યના સાહ્યબાને જઈ એટલું કેજો તારો વીરો પરણે ઘરે આવ્ય રે
મેંદી રંગ લાગ્યો
વીરો પરણે તો ભલે પરણે એની જાડેરી જોડજો જાન રે
મેંદી રંગ લાગ્યો
શોક્યના સાહ્યબાને જઈ એટલું કેજો તારી માડી મરે ઘરે આવ્ય રે
મેંદી રંગ લાગ્યો
માડી મરે તો ભલે મરે એને બાળજો બોરડી હેઠ રે
મેંદી રંગ લાગ્યો
શોક્યના સાહ્યબાને જઈ એટલું કેજો કે તારી માનેતીની ઊઠી આંખ રે
મેંદી રંગ લાગ્યો
હાલો સિપાઈઓ, હાલો બંધુડા, હવે હલકે બાંધો હથિયાર રે
મેંદી રંગ લાગ્યો
મેંદી તે વાવી માળવે ને, એનો રંગ ગયો ગુજરાત રે
મેંદી રંગ લાગ્યો રે
ગીતઃ ઈન્દુલાલ ગાંધી
ક્લીક કરો અને સાંભળોઃ
વાદલડી વરસી રે
વાદલડી વરસી રે સરોવર છલી વળ્યાં
હે સાસરિયામાં મ્હાલવું રે
પિયરીયાથી છુટાં પડ્યા
હે વાદલડી વરસી રે સરોવર છલી વળ્યાં
મારા પગ કેરાં કડલાં રે
વીરો મારો લેવા હાલ્યો
હે વીરા લઇને વેલો આવજે રે
સાસરિયા મારા ઘેરે બેઠા
હે વાદલડી વરસી રે સરોવર છલી વળ્યાં
મારા હાથ કેરી ચૂડલી રે
વીરો મારો લેવા હાલ્યો
હે વીરા લઇને વેલો આવજે રે
સાસરિયા મારા ઘેરે બેઠા
હે વાદલડી વરસી રે સરોવર છલી વળ્યાં
મારી ડોક કેરો હારલો રે
વીરો મારો લેવા હાલ્યો
હે વીરા લઇને વેલો આવજે રે
સાસરિયા મારા ઘેરે બેઠા
હે વાદલડી વરસી રે સરોવર છલી વળ્યાં
મારા નાક કેરી નથણી રે
વીરો મારો લેવા હાલ્યો
હે વીરા લઇને વેલો આવજે રે
સાસરિયા મારા ઘેરે બેઠા
હે વાદલડી વરસી રે સરોવર છલી વળ્યાં
વાદલડી વરસી રે સરોવર છલી વળ્યાં
હવે સાસરિયે જાવું રે
પિયરીયામાં મહાલી રહ્યાં
હે વાદલડી વરસી રે સરોવર છલી વળ્યાં
ક્લીક કરો અને સાંભળોઃ
Vadaladi_Varsi_Re-Hema_Desai.mp3
No comments:
Post a Comment